Барномаи форум

Маълумоти умумӣ

Маросими ифтитоҳ чорабинии марказӣ ва сатҳи баланди Форуми байналмилалӣ буда, барномаи панҷрӯзаи чорабиниҳои байналмилалӣ, илмӣ, таълимӣ, корӣ (бизнес, сармоягузорӣ) ва ҷавононро оғоз мебахшад.

Дар маросими ифтитоҳ иштирок хоҳанд намуд:

• намояндагони Ҳукумати Ҷумҳурии Тоҷикистон;
• роҳбарон ва намояндагони вазоратҳо ва идораҳо;
• корпусҳои дипломатии дар Ҷумҳурии Тоҷикистон аккредитатсияшуда;
• намояндагони ташкилотҳои байналмилалӣ ва минтақавӣ;
• ректорон ва роҳбарони донишгоҳҳои пешрафтаи миллӣ ва хориҷӣ;
• намояндагони ҷомеаи илмӣ ва коршиносӣ, бахши соҳибкорӣ ва ВАО;
• меҳмонони хориҷӣ ва миллии Форум.

Маросими ифтитоҳ чаҳорчӯбаи стратегии Форумро муайян намуда, афзалиятҳои рушди устувор, иқтисоди сабз, табдили рақамӣ, зеҳни сунъӣ, инноватсияҳо ва шарикии байналмилалиро инъикос менамояд.

Дар доираи маросим чораҳои зерин пешбинӣ гардидаанд:

• суханрониҳои расмии меҳмонони олиқадр;
• муаррифии консепсия ва самтҳои асосии Форум;
• эълони оғози Саммити ректорон ва чорабиниҳои мавзуии Форум;
• барномаи фарҳангӣ-протоколӣ.

Мубрамӣ

Донишгоҳҳо дар татбиқи рӯзномаи глобалии рушди устувор, ташаккули иқтисоди сабз, табдили рақамӣ ва омодасозии кадрҳои оянда нақши калидиро иҷро менамоянд. Саммити ректорон ҳамчун платформаи муколамаи стратегии роҳбарони муассисаҳои таҳсилоти олӣ барои баррасии масъалаҳои ҳамгироии принсипҳои рушди устувор, ҳалли рақамӣ ва «ҳушманд» дар низоми таҳсилоти олӣ, инчунин таҳкими ҳамкориҳои байналмилалии академӣ пешбинӣ шудааст.

Ҳадаф ва вазифаҳо

Ҳадаф — ташаккули платформаи байналмилалии ҳамкории донишгоҳҳо барои пешбурди модели донишгоҳи сабз, рақамӣ ва ҳушманд.

• баррасии нақши стратегии донишгоҳҳо дар самти ноилгардӣ ба Ҳадафҳои рушди устувор;
• мубодилаи таҷрибаи беҳтарин оид ба кампусҳои сабз, рақамикунонӣ ва татбиқи зеҳни сунъӣ;
• рушди шарикии байналмилалии донишгоҳҳо ва дипломатияи академӣ;
• мусоидат ба иштироки донишгоҳҳо дар рейтингҳои байналмилалии устуворӣ;
• роҳандозии лоиҳаҳои муштараки таълимӣ, илмӣ ва инноватсионӣ.

Самтҳои баргузории Саммит

• Донишгоҳи сабз ва идоракунии устувори кампусҳо.
• Табдили рақамӣ ва зеҳни сунъӣ дар таҳсилоти олӣ.
• Донишгоҳҳо ва иқтисоди сабз.
• Шарикии байналмилалии донишгоҳҳо ва табодули академӣ.
• Нақши донишгоҳҳо дар ташаккули пешвоӣ ва инноватсияҳо барои рушди устувор.

Иштирокчиён

Ба иштирок даъват карда мешаванд:

• ректорони муассисаҳои таҳсилоти олӣ;
• роҳбарони ташкилотҳои академӣ ва илмӣ;
• намояндагони ташкилотҳои байналмилалӣ ва агентҳои рейтингӣ;
• намояндагони вазоратҳо ва идораҳои соҳавӣ;
• коршиносон дар соҳаи рушди устувор ва таҳсилоти олӣ.

Натиҷаҳои Саммит

Натиҷаи асосии Саммит қабули Эъломияи донишгоҳҳои сабз хоҳад буд, ки ба таҳкими шарикии байналмилалӣ, рушди донишгоҳҳои сабз, рақамӣ ва ҳушманд, инчунин дастгирии рӯзномаи глобалии рушди устувор равона гардидааст.

Маълумоти тамос

https://forum.iutet.tj
E-mail: forum@iutet.tj

(+992) 985-77-79-00 (Фарҳод Шарофзода)
(+992) 979-66-00-10 (Зулфия Қурбонзода)
(+992) 934-88-86-60 (Фатҳулло Ҷабборов)
(+992) 900-85-10-90 (Гулшан Бодурова)

Мубрамият

Ҷумҳурии Тоҷикистон дар рӯзномаи байналмилалии рушди устувор, амнияти экологӣ ва сиёсати иқлимӣ мавқеи фаъол ва эътирофшуда дорад. Ташаббусҳои Президенти Ҷумҳурии Тоҷикистон муҳтарам Эмомалӣ Раҳмон дар соҳаҳои дипломатияи об, ҳифзи пиряхҳо ва рушди устувор аз ҷониби ҷомеаи байналмилалӣ дастгирӣ ёфта, дар қатъномаҳои Маҷмааи Умумии Созмони Милали Муттаҳид инъикос гардидаанд.

Дар ин замина, баргузории конфронси байналмилалии илмӣ-амалӣ ба таҳлили илмии саҳми Ҷумҳурии Тоҷикистон дар татбиқи Ҳадафҳои рушди устувор, рушди дипломатияи сабз ва таҳкими муколама миёни илм, дипломатия ва созмонҳои байналмилалӣ равона карда шудааст.

Ҳадаф ва вазифаҳо

Ҳадаф: Ташаккули платформаи бонуфузи коршиносӣ-дипломатӣ барои баррасии саҳми Ҷумҳурии Тоҷикистон дар ноил гардидан ба Ҳадафҳои рушди устувор ва пешбурди дипломатияи сабз дар сатҳҳои минтақавӣ ва ҷаҳонӣ.

• таҳлили саҳми Ҷумҳурии Тоҷикистон дар татбиқи Ҳадафҳои рушди устувор;
• баррасии ташаббусҳои байналмилалии Тоҷикистон дар соҳаҳои иқлим, захираҳои об ва ҳифзи пиряхҳо;
• рушди ҳамроҳии илмӣ-коршиносӣ дар пешбурди дипломатияи сабз;
• таҳкими ҳамкории ҷомеаи илмӣ бо корпуси дипломатӣ;
• таҳияи тавсияҳои амалӣ барои сиёсати давлатӣ ва байналмилалӣ дар соҳаи рушди устувор.

Самтҳо

• Ташаббусҳои глобалии Президенти Ҷумҳурии Тоҷикистон дар соҳаҳои рушди устувор, иқлим ва ҳифзи пиряхҳо.
• Нақши Ҷумҳурии Тоҷикистон дар татбиқи Ҳадафҳои рушди устувор ва пешбурди рӯзномаи об.
• Дипломатияи сабз ҳамчун воситаи шарикии байналмилалии экологӣ.
• Механизмҳои миллӣ ва байналмилалии мутобиқшавӣ ба тағйирёбии иқлим.
• Ҳамгироии принсипҳои иқтисоди сабз ба рушди иҷтимоию иқтисодӣ.
• Ҷанбаҳои иҷтимоии рушди устувор: коҳиши камбизоатӣ, баробарии гендерӣ ва рушди фарогир.

Иштирокчиён

Ба иштирок дар конфронс даъват карда мешаванд:

• намояндагони мақомоти ҳокимияти давлатӣ;
• роҳбарон ва намояндагони корпуси дипломатӣ;
• намояндагони созмонҳои байналмилалӣ ва минтақавӣ;
• олимон ва коршиносони пешбари ватанӣ ва хориҷӣ;
• намояндагони муассисаҳои илмӣ, таҳлилӣ ва таълимӣ.

Шароити молиявӣ

Хароҷоти сафари иштирокчиёни хориҷӣ аз ҳисоби ҷониби фиристанда таъмин карда мешавад. Хароҷоти вобаста ба ҷойи зист, ғизо ва нақлиёти дохилии иштирокчиён дар давраи баргузории ҳамаи чорабиниҳои Форум, аз ҷумла конфронси мазкур, аз ҷониби қабулкунанда пардохт мегардад.

Натиҷаҳои конфронс

Дар натиҷаи конфронс таҳияи тавсияҳои илмӣ-коршиносӣ оид ба рушди устувор ва дипломатияи сабз дар назар дошта шуда, инчунин маҷмӯаи маводи илмӣ нашр мегардад. Маводи конфронс дар пойгоҳҳои иттилоотӣ ва платформаҳои институтсионалии ташкилкунандагон ҷойгир карда мешаванд.

Маълумот барои тамос

Сомонаи расмии Форум: https://forum.iutet.tj
Почтаи электронӣ: forum@iutet.tj

(+992) 979-66-00-10 — Зулфия Қурбонзода

Мубрамият

Дар шароити муосири дигаргуниҳои ҷаҳонии иқтисодиёт, рақамисозӣ, густариши равандҳои ҳамгироӣ ва рушди устувор, ҳамкории самаранок миёни сохторҳои давлатӣ, ҷомеаи илмӣ ва бахши хусусӣ аҳамияти махсус пайдо менамояд.

Барои Ҷумҳурии Тоҷикистон, ки ҳадафҳои стратегии рушди иҷтимоию иқтисодӣ, навсозии иқтисодиёт ва баланд бардоштани ҷалби сармоягузориро амалӣ менамояд, ташаккули механизмҳои устувори шарикӣ миёни давлат, илм ва бахши хусусӣ яке аз омилҳои асосии баланд гардидани рақобатпазирии кишвар ба ҳисоб меравад.

Рушди иқтисоди инноватсионӣ, татбиқи дастовардҳои илмӣ дар истеҳсолот, дастгирии соҳибкорӣ, фароҳам овардани муҳити мусоиди соҳибкорӣ ва ҷалби сармоягузорӣ муколамаи мунтазам ва ҳамоҳангсозии талошҳои ҳамаи ҷонибҳои манфиатдорро тақозо менамояд.

Баргузории Бизнес-форуми байналмилалӣ заминаи муносибро барои баррасии ошкорои масъалаҳои мубрам, мубодилаи таҷрибаи пешқадам, муаррифии лоиҳаҳои илмӣ ва сармоягузорӣ, инчунин таҳияи тавсияҳои амалӣ ҷиҳати таҳкими ҳамкории байнисоҳавӣ фароҳам месозад.

Ҳадафҳо ва вазифаҳо

Эҷоди платформаи муколамаи муассир барои тақвияти ҳамкориҳо байни мақомоти давлатӣ, муассисаҳои илмӣ ва таълимӣ ва бахши хусусӣ, ки ба рушди иқтисоди инноватсионӣ, соҳибкорӣ ва рушди устувор дар Ҷумҳурии Тоҷикистон нигаронида шудааст.

• баррасии моделҳои муосири ҳамкории байни ҳукумат, илм ва тиҷорат;
• таҳияи механизмҳои амалии тиҷоратикунонии тадқиқоти илмӣ;
• таҳкими рушди шарикии давлатӣ ва хусусӣ;
• таҳкими потенсиали сармоягузорӣ ва инноватсионии кишвар;
• мубодилаи таҷрибаи байналмилалӣ дар соҳаи соҳибкорӣ ва рушди илмӣ ва технологӣ;
• барқарор кардани робитаҳои нави тиҷоратӣ ва академӣ;
• дастгирии соҳибкории ҷавонон ва ташаббусҳои стартап;
• таҳияи тавсияҳо барои беҳтар кардани чаҳорчӯбаи танзимкунанда барои соҳибкорӣ ва инноватсия.

Соҳаҳои мавзӯӣ

• Сиёсати давлатӣ дар дастгирии илм, инноватсия ва соҳибкорӣ.
• Шарикии давлатӣ ва хусусӣ ҳамчун абзори рушди устувори иқтисодӣ.
• Тиҷоратикунонии тадқиқоти илмӣ ва интиқоли технологияҳо.
• Рушди тиҷорати хурду миёна дар иқтисоди рақамӣ.
• Фазои сармоягузорӣ ва механизмҳои ҷалби сармоягузории хориҷӣ.
• Нақши донишгоҳҳо ва институтҳои тадқиқотӣ дар ташаккули экосистемаи инноватсионӣ.
• Иқтисоди сабз ва соҳибкории ба муҳити зист нигаронидашуда.
• Табдили рақамии тиҷорат ва татбиқи технологияҳои муосир.
• Ҳамкории байналмилалӣ ва ҳамгироии иқтисодии минтақавӣ.

Иштирокчиён

Барои иштирок даъват карда мешаванд:

• намояндагони вазорату идораҳои Ҷумҳурии Тоҷикистон;
• намояндагони корпуси дипломатии аккредитатсияшуда дар Ҷумҳурии Тоҷикистон;
• коршиносон аз созмонҳои байналмилалӣ;
• намояндагони муассисаҳои илмӣ ва таълимӣ, институтҳои тадқиқотӣ ва марказҳои таҳлилӣ;
• намояндагони корхонаҳо, ташкилотҳои экологӣ ва ташкилотҳои ҷамъиятӣ.

Маълумоти тамос

Телефон: (+992) 92-726-87-87
Шахси масъул: Ҳошимзода Раъно Ҳошим
Директори Институти илмию таҳқиқотии сайёҳӣ ва соҳибкории Донишгоҳи байналмилалии сайёҳӣ ва соҳибкории Тоҷикистон

Мубрамият

Баргузории олимпиадаҳои байналмилалӣ дар доираи Форум ба рушди потенсиали зеҳнии ҷавонони донишҷӯ, баланд бардоштани сифати омодасозии кадрҳо ва ташаккули малакаҳои дар шароити рушди устувор, иқтисоди рақамӣ ва дигаргунии глобалии маориф талабшаванда нигаронида шудааст.

Олимпиадаҳо ба ҳамгироии раванди таълим бо фаъолияти илмӣ ва инноватсионӣ, инчунин густариши ҳамкории байналмилалии академӣ мусоидат менамоянд.

Ҳадаф ва вазифаҳо

Муайян кардан ва дастгирии донишҷӯёни болаёқат, рушди малакаҳои касбӣ ва таҳлилӣ, инчунин ҳавасмандгардонии ҷавонон ба масъалаҳои рушди устувор, иқтисоди сабз ва технологияҳои рақамӣ.

• арзёбии сатҳи дониши назариявӣ ва амалии иштирокчиён;
• рушди тафаккури интиқодӣ ва таҳлилӣ;
• ташаккули муҳити таълимии рақобатпазир;
• густариши робитаҳои байналмилалии илмию таълимӣ;
• ҷалби ҷавонон ба татбиқи Ҳадафҳои рушди устувор.

Шакли баргузорӣ

Олимпиадаҳо дар шакли супоришҳои тестӣ, вазифаҳои таҳлилӣ ва кейсҳои амалӣ баргузор мегарданд. Арзёбӣ аз ҷониби ҳайати довариён аз ҷумлаи устодон, коршиносони ватанӣ ва хориҷӣ тибқи меъёрҳои ягона ва шаффоф сурат мегирад.

Иштирокчиён

• донишҷӯёни муассисаҳои таҳсилоти олии Ҷумҳурии Тоҷикистон;
• донишҷӯёни донишгоҳҳои хориҷӣ;
• устодон ва коршиносон (дар ҳайати довариён).

Натиҷаҳои интизорӣ

• муайян кардани ғолибон ва соҳибҷоизаҳо, мукофотонидан бо дипломҳо ва ҷоизаҳо;
• ташаккули ҷомеаи байналмилалии донишҷӯён;
• баланд бардоштани обрӯи ДБССТ ҳамчун платформаи муосири таълимӣ ва илмӣ;
• саҳмгузорӣ дар омодасозии кадрҳо барои рушди устувор ва иқтисоди рақамӣ.

Маълумот барои тамос

Телефон: (+992) 918-71-50-05
E-mail: forum@iutet.tj

Шахси тамос: Қудратов Некрӯз Абдунабиевич — д.и.ҳ., профессор, сардори раёсати илм ва инноватсияи Донишгоҳи байналмилалии сайёҳӣ ва соҳибкории Тоҷикистон

Мубрамият

Дар шароити ҷаҳонишавӣ ва рақобати шадиди бозорҳои байналмилалӣ, масъалаи рушди устувори истеҳсолоти ватанӣ ба яке аз самтҳои афзалиятноки сиёсати иқтисодии кишварҳо табдил ёфтааст. Барои Ҷумҳурии Тоҷикистон, ки саноатикунонии босуръат ҳамчун ҳадафи стратегии миллӣ муайян гардидааст (эълон дар Паёми солонаи Эмомалӣ Раҳмон), ин мавзуъ аҳаммияти махсус касб мекунад.

Рушди устувори истеҳсолоти ватанӣ ба таъмини амнияти иқтисодӣ ва коҳиши вобастагӣ аз воридот мусоидат менамояд. Саноатикунонии босуръат заминаи фароҳамсозии ҷойҳои нави корӣ, баланд бардоштани сатҳи зиндагии аҳолӣ ва истифодаи самараноки захираҳои табиию меҳнатиро муҳайё месозад.

Рушди устувор на танҳо афзоиши ҳаҷми истеҳсолот, балки татбиқи технологияҳои инноватсионӣ, баланд бардоштани самаранокӣ ва ҳифзи муҳити зистро низ дар бар мегирад. Дар шароити тағйирёбии иқлим ва афзоиши талабот ба «иқтисоди сабз», мутобиқ сохтани саноат ба меъёрҳои байналмилалии экологӣ аҳаммияти бештар пайдо мекунад.

Густариши истеҳсолоти ватанӣ боиси таҳкими рақобатпазирии миллӣ дар сатҳи минтақавӣ ва байналмилалӣ мегардад. Ҷалби сармояи дохилию хориҷӣ, рушди инфрасохтор ва беҳтарсозии фазои сармоягузорӣ омили муҳими таъмини рушди дарозмуддат мебошад.

Ҳадаф ва вазифаҳо

Омӯзиши ҳамаҷониба ва таҳлили назариявию амалии рушди устувори истеҳсолоти ватанӣ дар шароити саноатикунонии босуръати иқтисодиёт, инчунин муайян намудани омилҳо, захираҳо ва механизмҳои самараноки таъмини рушди дарозмуддати соҳаи саноат дар Ҷумҳурии Тоҷикистон.

• баррасӣ ва таҳлили асосҳои назариявию методологии рушди устувор ва саноатикунонии иқтисодиёт;
• омӯзиши таҷрибаи байналмилалӣ оид ба рушди устувори истеҳсолот ва татбиқи он дар шароити иқтисоди миллӣ;
• таҳлили вазъи кунунии истеҳсолоти ватанӣ ва сатҳи саноатикунонии иқтисоди Ҷумҳурии Тоҷикистон;
• арзёбии сиёсати давлатӣ дар самти рушди саноат ва дастгирии истеҳсолоти дохилӣ;
• муайян намудани омилҳои таъсиррасон (иқтисодӣ, иҷтимоӣ, технологӣ ва экологӣ) ба рушди устувори истеҳсолоти ватанӣ;
• ошкор намудани мушкилот ва маҳдудиятҳое, ки ба рушди босуръат ва устувори соҳаи саноат монеа эҷод менамоянд;
• пешниҳоди роҳҳо ва механизмҳои такмили дастгирии давлатӣ ҷиҳати баланд бардоштани рақобатпазирӣ ва самаранокии истеҳсолот;
• коркарди тавсияҳои амалӣ оид ба ҷорӣ намудани технологияҳои инноватсионӣ ва принсипҳои «иқтисоди сабз» дар фаъолияти истеҳсолӣ.

Самтҳои мавзӯӣ

• Омӯзиши мафҳум ва моҳияти рушди устувор дар иқтисодиёт.
• Таҳлили консепсияи саноатикунонии босуръат.
• Асосноккунии меъёрҳо ва нишондиҳандаҳои рушди устувори истеҳсолот.
• Таҳлили вазъи кунунии истеҳсолоти ватанӣ.
• Арзёбии саҳми саноат дар рушди иқтисоди миллӣ.
• Омӯзиши динамикаи истеҳсолот, содирот ва ҷойҳои корӣ.
• Таҳлили таъсири сиёсати саноатикунонӣ, ки ҳамчун ҳадафи стратегии миллӣ аз ҷониби Эмомалӣ Раҳмон пешниҳод гардидааст.

Иштирокчиён

Барои иштирок даъват карда мешаванд:

• намояндагони вазорату идораҳои дахлдор;
• намояндагони муассисаҳои илмӣ ва таҳсилоти олии касбӣ;
• намояндагони ташкилотҳои байналмилалӣ;
• олимон, коршиносон ва муҳаққиқони дохиливу хориҷӣ;
• намояндагони бахши хусусӣ ва ташкилотҳои ҷамъиятӣ.

Натиҷаҳои интизоршаванда

• муайян ва ҷамъбасти заминаҳои илмии рушди устувори истеҳсолот ва саноатикунонии босуръат дар шароити иқтисоди миллӣ;
• таҳлили ҳамаҷонибаи нишондиҳандаҳои асосии рушди саноат ва муайян намудани тамоюлҳои мусбат ва мушкилоти мавҷуда;
• густариши ҳамкории илмӣ ва байналмилалӣ;
• нашри маводи конференсия дар шакли маҷмӯаи мақолаҳо.

Маълумоти тамос

Суроға: Ҷумҳурии Тоҷикистон, н. Данғара, кӯчаи И. Шариф 3
Тел.: (+992) 551-27-90-90

Шахси масъул: Ҳамидов Фаррух Алиевич — мутахасиси шуъбаи илм ва инноватсияи МД «Донишкадаи байналмилалии Данғара»-и Донишгоҳи байналмилалии сайёҳӣ ва соҳибкории Тоҷикистон

Аҳамият

Конфронс ба такмили усулҳои таълими забонҳои хориҷӣ дар шароити табдили рақамии ҷомеа ва татбиқи фаъоли технологияҳои зеҳни сунъӣ дар раванди таълим бахшида шудааст.

Воситаҳои муосири рақамӣ, платформаҳои онлайн ва системаҳои интеллектуалӣ имкониятҳои навро барои рушди салоҳияти забонӣ, муоширати байнифарҳангӣ ва тайёр кардани мутахассисони рақобатпазир фароҳам меоранд.

Конфронс барои рушди муколамаи илмӣ, мубодилаи таҷрибаи байналмилалӣ ва тақвияти ҳамкорӣ дар соҳаҳои маориф, илм, сайёҳӣ ва соҳибкорӣ равона шудааст.

Ҳадаф ва вазифаҳо

Муҳокимаи ҷанбаҳои назариявӣ ва амалии истифодаи усулҳои муосири омӯзиши забонҳои хориҷӣ дар заминаи рақамикунонӣ ва рушди зеҳни сунъӣ, инчунин таҳияи тавсияҳо барои беҳтар кардани таълими забон.

• таҳлили вазъи кунунии таълими забонҳои хориҷӣ дар Ҷумҳурии Тоҷикистон;
• такмили усулҳои таълим бо назардошти технологияҳои рақамӣ ва ниёзҳои ҷомеа;
• омӯзиши нақши сиёсати забон дар тақвияти мақоми забонҳои хориҷӣ дар маориф ва илм;
• татбиқи платформаҳои инноватсионии таълимӣ ва абзорҳои рақамӣ;
• рушди тарҷумаи илмӣ ва касбӣ дар шароити муосир;
• тақвияти нақши забонҳои хориҷӣ дар ҳамкории байналмилалӣ, сайёҳӣ ва соҳибкорӣ;
• рушди салоҳияти байнифарҳангӣ ва таҳаммулпазирӣ;
• рушди таҳқиқоти филологӣ ва забоншиносӣ дар усулҳои таълим;
• дастгирии омодасозии кадрҳои рақобатпазир барои бозори байналмилалии меҳнат.

Самтҳои мавзуъ

• Масъалаҳои муосир дар омӯзиши забонҳои хориҷӣ: усулҳои муосир ва стандартҳои таълимӣ.
• Нақши сиёсати забон дар рушди маориф ва илм.
• Забонҳои хориҷӣ ҳамчун воситаи густариши ҳамкории байналмилалӣ дар соҳаи сайёҳӣ ва соҳибкорӣ.
• Таъсири технологияҳои рақамикунонӣ ва зеҳни сунъӣ ба усулҳои таълими забонҳои хориҷӣ.
• Платформаҳои онлайн, захираҳои рақамии таълимӣ ва барномаҳои инноватсионии омӯзишӣ.
• Тарҷумаи илмӣ ва касбӣ: мушкилот ва роҳҳои ҳалли муосир.
• Забонҳои хориҷӣ ва рушди иқтисоди сабз ва рушди устувор.
• Омӯзиши забон дар доираи ташаббусҳо ва барномаҳои ҳамкорӣ.
• Омӯзиши забон ва илм: равишҳои байнифаннӣ.
• Забон ва муоширати байнифарҳангӣ.
• Нақши филология ва забоншиносӣ дар омодасозии мутахассисони рақобатпазир.
• Забонҳои хориҷӣ ҳамчун омили рушди сайёҳии байналмилалӣ дар Тоҷикистон.
• Забони хориҷӣ дар рушди соҳибкории инноватсионӣ ва тиҷорати электронӣ.

Иштирокчиён

Барои иштирок дар конфронс даъват карда мешаванд:

• намояндагони вазорату идораҳо;
• олимон, коршиносон ва муҳаққиқон;
• намояндагони созмонҳои байналмилалӣ;
• намояндагони муассисаҳои илмӣ ва таҳсилоти олӣ;
• омӯзгорон ва донишҷӯён;
• намояндагони сохторҳои тиҷоратӣ.

Нашри маводҳо

Маводҳои конфронс ҳамчун маҷмӯаи мақолаҳо нашр карда мешаванд ва дар китобхонаи электронии илмии eLIBRARY.RU ҷойгир карда мешаванд.

Масъалаҳои ташкилотӣ

• Дархост ва шакли электронии мақолаҳо то 20 марти соли 2026 қабул карда мешаванд.
• Маводҳо тавассути почтаи электронӣ ба суроғаи green.iutet@gmail.com фиристода мешаванд.
• Забонҳои конфронс: тоҷикӣ, русӣ ва англисӣ.
• Хароҷоти сафар барои иштирокчиёни берун аз шаҳр аз ҳисоби тарафи фиристанда.
• Даъватномаҳо барои иштирок то 25 марти соли 2026 фиристода мешаванд.

Маълумот барои тамос

Суроға: Ҷумҳурии Тоҷикистон, ш. Душанбе, хиёбони Борбада, 48/5
Тел.: (+992) 92-900-00-95

Шахси масъул: Очилова Меҳринисо Илҳомовна

Аҳамият

Рақамисозии иқтисод сохтори хизматрасониҳои молиявӣ ва механизмҳои қарзиро ба таври амиқ дигаргун месозад. Ин раванд барои дарки хатарҳо, имкониятҳо ва талаботи танзимкунанда аҳамияти назаррас дошта, заминаи илмиро барои таҳияи сиёсати амалӣ, моделҳои арзёбӣ ва механизмҳои ҳифзи истеъмолкунандагон фароҳам меорад.

Рақамисозии иқтисод на танҳо самаранокии хизматрасониҳои молиявиро меафзояд, балки имкониятҳои навро барои дастрасӣ ба қарз ва сармоягузорӣ миёни аҳолӣ ва соҳибкорон таъмин менамояд.

Рақамисозии молия ва қарз ба рушди соҳибкорӣ, сайёҳӣ ва тиҷорати электронӣ мусоидат карда, Тоҷикистонро ба бозори байналмилалӣ дастрастар мегардонад.

Ҳадаф ва вазифаҳо

Таҳлили илмӣ ва пешниҳоди ҳалли амалӣ барои устуворӣ ва самаранокии низоми молиявию қарзӣ дар шароити рақамикунонии иқтисодиёт.

• такмили усулҳои идоракунӣ ва хизматрасонӣ бо назардошти технологияҳои рақамӣ ва ниёзҳои ҷомеа;
• таҳлили вазъи кунунии низоми молиявию қарзӣ дар Ҷумҳурии Тоҷикистон;
• омӯзиши нақши сиёсати давлатӣ дар тақвияти рақамикунонии низоми молиявӣ ва қарзӣ;
• татбиқи платформаҳои инноватсионии молиявӣ ва абзорҳои рақамӣ;
• рушди тарҷумаи илмӣ ва касбӣ дар соҳаи молия ва қарз;
• тақвияти нақши низоми молиявӣ дар ҳамкории байналмилалӣ, сармоягузорӣ ва соҳибкорӣ;
• рушди салоҳияти байнифарҳангӣ ва таҳаммулпазирӣ дар муҳити молиявӣ;
• дастгирии омодасозии кадрҳои рақобатпазир барои бозори байналмилалии меҳнат;
• арзёбии сатҳи эътимод ва рафтори истеъмолкунандагон дар хизматрасониҳои молиявии рақамӣ;
• таҳқиқи нақши молия дар рушди соҳибкорӣ ва стартапҳо дар муҳити рақамӣ.

Самтҳои мавзуъ

• Молия дар рушди соҳибкории инноватсионӣ ва тиҷорати электронӣ.
• Низоми молиявӣ ҳамчун омили рушди сайёҳии байналмилалӣ дар Тоҷикистон.
• Нақши иқтисодшиносӣ ва молияшиносӣ дар омодасозии мутахассисони рақобатпазир.
• Муоширати байнифарҳангӣ дар муҳити молиявӣ ва қарзӣ.
• Молия ва илм: равишҳои байнифаннӣ дар таҳқиқи низоми қарзӣ.
• Молия дар доираи ташаббусҳо ва барномаҳои ҳамкорӣ.
• Низоми молиявӣ ва рушди иқтисоди сабз ва устувор.
• Тарҷумаи илмӣ ва касбӣ дар соҳаи молия: мушкилот ва роҳҳои ҳалли муосир.
• Платформаҳои онлайн, захираҳои рақамӣ ва барномаҳои инноватсионии молиявӣ.
• Таъсири технологияҳои рақамикунонӣ ва зеҳни сунъӣ ба усулҳои идоракунии молиявӣ ва қарзӣ.
• Низоми молиявӣ ҳамчун воситаи густариши ҳамкории байналмилалӣ дар соҳаи сармоягузорӣ, сайёҳӣ ва соҳибкорӣ.
• Нақши сиёсати давлатӣ ва меъёрӣ дар рушди низоми молиявӣ ва қарзӣ.
• Масъалаҳои муосир дар таҳқиқи низоми молиявию қарзӣ: усулҳои муосир ва стандартҳои байналмилалӣ.

Иштирокчиён

Барои иштирок дар конфронс даъват карда мешаванд:

• намояндагони вазорату идораҳо;
• олимон, коршиносон ва муҳаққиқон;
• намояндагони созмонҳои байналмилалӣ;
• намояндагони муассисаҳои илмӣ ва таҳсилоти олӣ;
• омӯзгорон ва донишҷӯён;
• намояндагони сохторҳои тиҷоратӣ.

Нашри маводҳо

Маводҳои конфронс ҳамчун маҷмӯаи мақолаҳо нашр карда мешаванд ва дар китобхонаи электронии илмии eLIBRARY.RU ҷойгир карда мешаванд.

Масъалаҳои ташкилотӣ

• Дархост ва шакли электронии мақолаҳо то 20 марти соли 2026 қабул карда мешаванд.
• Маводҳо тавассути почтаи электронӣ ба суроғаҳои somon.ganiev.98@mail.ru, rahmatov-daler92@mail.ru, Khidiraliev_88@mail.ru фиристода мешаванд.
• Забонҳои конфронс: тоҷикӣ, русӣ ва англисӣ.
• Хароҷоти сафар ва манзил барои иштирокчиёни берун аз шаҳр аз ҳисоби тарафи фиристанда.
• Даъватномаҳо барои иштирок то 25 марти соли 2026 фиристода мешаванд.

Маълумот барои тамос

Суроға: Ҷумҳурии Тоҷикистон, ш. Душанбе, хиёбони Борбада, 48/5
Тел.: (+992) 98-800-01-21, (+992) 988-18-55-51, (+992) 939-00-07-37

Шахси масъул: Раҳматзода Далер Талбак

Мубрамият

Таваҷҷуҳи рӯзафзуни ҷомеаи ҷаҳонӣ ба сайёҳии устувор, гардишгарии фарҳангию экологӣ ва этнографӣ тақозо менамояд, ки рӯзноманигорон аз равишҳои муосири таҳлил, storytelling-и рақамӣ (ривоятгарии диҷитолӣ), муҳтавои чандрасонаӣ ва роҳбурдҳои бозорёбии иттилоотӣ истифода намоянд. Бо дарназардошти афзалиятҳои стратегии соҳаи сайёҳӣ дар Ҷумҳурии Тоҷикистон, баргузории мастер-класси байналмилалӣ барои табодули таҷриба, таҳкими ҳамкорӣ ва такмили ихтисоси мутахассисон аҳаммияти муҳим хоҳад дошт.

Ҳадаф ва вазифаҳо

Баланд бардоштани сатҳи касбии рӯзноманигорони соҳаи сайёҳӣ тавассути омӯзиши равандҳои муосири байналмилалӣ, таҷрибаи пешқадам ва истифодаи технологияҳои рақамӣ дар таҳияи маводи журналистӣ.

• баррасии тамоюлҳои ҷаҳонии рӯзноманигории сайёҳӣ;
• омӯзиши усулҳои storytelling ва визуализатсияи контент;
• таҳлили нақши ВАО дар ташаккули бренди сайёҳии кишвар;
• баррасии масъалаҳои этика ва масъулияти иҷтимоӣ дар журналистикаи сайёҳӣ;
• тақвияти ҳамкориҳои байналмилалӣ миёни рӯзноманигорон ва муассисаҳои таҳсилоти олии касбӣ.

Самтҳои асосӣ

• Журналистикаи рақамӣ ва платформаҳои нав (AI, блогинг, подкастинг, видео-журналистика).
• Storytelling дар муаррифии маконҳои сайёҳӣ.
• Маркетинги иттилоотӣ ва брендинги минтақавӣ.
• Сайёҳии устувор ва инъикоси масъулонаи захираҳои табиӣ.
• Таҳқиқоти журналистӣ дар соҳаи сайёҳӣ.
• Технологияҳои визуалӣ ва контенти мултимедиявӣ.

Иштирокчиён

• рӯзноманигорони соҳаи сайёҳӣ;
• эҷодкорони контенти сайёҳӣ;
• намояндагони ВАО;
• омӯзгорон ва донишҷӯёни ихтисоси рӯзноманигорӣ ва сайёҳӣ;
• намояндагони мақомоти давлатӣ ва ширкатҳои туристӣ.

Натиҷаҳои интизоршаванда

• баланд гардидани сатҳи касбияти иштирокчиён;
• таҳияи шабакаи ҳамкории байналмилалӣ;
• омода гардидани тавсияҳо барои рушди журналистикаи сайёҳӣ;
• тақвияти имиҷи байналмилалии Ҷумҳурии Тоҷикистон ҳамчун кишвари дорои имкониятҳои ғании сайёҳӣ.

Маълумот барои тамос

Вебсайт: https://forum.iutet.tj
E-mail: ctourism.tj@gmail.com, amini87@internet.ru

(+992) 938-85-81-91 (Аминӣ Алишер)
(+992) 915-67-67-98 (Саидзода Машҳура)

Мубрамият

Тағйирёбии глобалии иқлим боиси обшавии босуръати пиряхҳо мегардад, ки манбаи асосии оби ошомиданӣ ва обёрии минтақа маҳсуб меёбанд. Об меҳвари иқтисоди сабз аст.

Дар шароити тағйирёбии иқлим, идоракунии дурусти захираҳои обӣ на танҳо кафолати зиндагии наслҳои оянда, балки шарти асосии рақобатпазирии иқтисодиёти миллӣ дар ҷаҳони муосир мебошад. Идоракунии оқилонаи ин захираҳо метавонад ягона роҳи пешгирӣ аз бӯҳронҳои иқлимӣ мебошад.

Баргузории конференсияи мазкур ба муҳокимаи масъалаҳои мубрами идоракунии захираҳои обӣ ва рушди иқтисоди сабз дар шароити тағйирёбии иқлим, таҳкими ҳамкории илмӣ ва табодули таҷриба байни муҳаққиқон ва коршиносон равона гардидааст.

Ҳадаф ва вазифаҳо

Таҳияи механизмҳои илман асоснокшудаи идоракунии самараноки захираҳои обӣ ва ҷустуҷӯи роҳҳои гузариш ба иқтисоди сабз бо мақсади таъмини рушди устувор ва коҳиш додани таъсири манфии тағйирёбии иқлим ба иқтисодиёти миллӣ.

• таҳлил ва арзёбии таъсири тағйирёбии глобалии иқлим ба захираҳои обии минтақа (аз ҷумла обшавии пиряхҳо ва тағйирёбии реҷаи дарёҳо);
• омӯзиши заминаҳои иқтисодӣ ва муайян кардани нақши захираҳои обӣ дар ташаккули иқтисоди сабз ва баҳодиҳии иқтидори гидроэнергетикии кишвар ҳамчун манбаи энергияи ҷавобгӯ ба талаботи экологӣ;
• муҳокимаи таҳияи моделҳои идоракунӣ, омӯзиш ва пешниҳоди усулҳои инноватсионии идоракунии маҷмӯии захираҳои об бо назардошти афзоиши талаботи бахшҳои кишоварзӣ ва саноат;
• омӯзиши технологияҳои инноватсионӣ ва рақамикунонӣ дар идоракунии об;
• баррасии масъалаҳои ҳамгироии принсипҳои иқтисоди сабз ба рушди иқтисодии Тоҷикистон дар заминаи ҳамкории байналмилалӣ;
• таҳким ва тақвияти ҳамкории илмӣ байни муассисаҳои илмӣ, таҳсилоти олӣ ва ташкилотҳои байналмилалӣ.

Самтҳои мавзӯӣ

• Сиёсати ҷаҳонӣ ва миллӣ дар соҳаи идоракунии захираҳои обӣ ва рушди иқтисоди сабз.
• Ташаббусҳои ҷаҳонии Ҷумҳурии Тоҷикистон дар соҳаи обу иқлим.
• Самаранокии иқтисодии истифодаи об.
• Сармоягузории сабз.
• Самти инноватсионӣ ва технологӣ.
• Самти стратегӣ ва идоракунии давлатӣ.
• Дипломатияи об.

Иштирокчиён

Барои иштирок даъват карда мешаванд:

• намояндагони вазорату идораҳои дахлдор;
• намояндагони муассисаҳои илмӣ ва таҳсилоти олии касбӣ;
• намояндагони ташкилотҳои байналмилалӣ;
• олимон, коршиносон ва муҳаққиқони дохиливу хориҷӣ;
• намояндагони бахши хусусӣ ва ташкилотҳои ҷамъиятӣ.

Натиҷаҳои интизоршаванда

• табодули таҷрибаи илмӣ ва амалӣ дар соҳаи рушди устувор;
• таҳияи пешниҳодҳо барои такмили сиёсати рушди иқтисоди сабз;
• идоракунии захираҳои обӣ дар шароити рақамикунонӣ;
• густариши ҳамкории илмӣ ва байналмилалӣ;
• нашри маводи конференсия дар шакли маҷмӯаи мақолаҳо.

Маълумоти тамос

Суроға: Ҷумҳурии Тоҷикистон, ш. Левакант, хиёбони Рӯдакӣ 21
Тел.: (+992) 917-34-02-94

Шахси масъул: Ашуров Ардамеҳр

Мубрамият

Мубрамияти конфронс бо зарурати таҳлили илмии равандҳои табдили рақамии ҷомеа ва ҷорӣ намудани фаъоли технологияҳои зеҳни сунъӣ асоснок мегардад, ки онҳо характери муносибатҳои ҷамъиятиро ба таври ҷиддӣ тағйир дода, такмили механизмҳои танзими ҳуқуқиро талаб менамоянд.

Дар шароити муосир масъалаҳои таъмини рушди устувор, ҳифзи ҳуқуқу озодиҳои инсон, амнияти иттилоотӣ, инчунин ҳамоҳангсозии қонунгузории миллӣ бо стандартҳои байналмилалӣ дар соҳаи рақамигардонӣ ва зеҳни сунъӣ аҳамияти махсус касб менамоянд.

Ҳадаф ва вазифаҳо

Баррасии ҳамаҷонибаи тамоюлҳои муосир ва мушкилоти мубрами таъминоти ҳуқуқии рушди устувор дар шароити рақамигардонӣ ва татбиқи фаъоли технологияҳои зеҳни сунъӣ, инчунин таҳияи тавсияҳои илмӣ-асоснок оид ба такмили қонунгузории миллӣ ва амалияи татбиқи ҳуқуқ.

• баррасии равишҳои муосир оид ба танзими ҳуқуқии рушди устувор дар заминаи иқтисоди рақамӣ;
• таҳлили мушкилот ва дурнамои танзими ҳуқуқии зеҳни сунъӣ дар сатҳи миллӣ ва байналмилалӣ;
• баррасии масъалаҳои ҳифзи ҳуқуқу озодиҳои инсон дар шароити рақамигардонӣ ва истифодаи технологияҳои зеҳни сунъӣ;
• таҳқиқи нақши амнияти иттилоотӣ ва ҳуқуқҳои рақамӣ ҳамчун унсури муҳими рушди устувори ҷомеа ва давлат;
• муайян намудани шаклҳои нави ҳамгироии ҳуқуқи экологӣ ва технологияҳои рақамӣ бо мақсади таъмини ояндаи «сабз» ва устувор;
• ошкор намудани механизмҳои ҳуқуқии дастгирии рушди устувори соҳибкорӣ дар шароити табдили рақамӣ;
• баррасии масъалаҳои ҳамоҳангсозии қонунгузории Ҷумҳурии Тоҷикистон бо стандартҳои байналмилалӣ дар соҳаи зеҳни сунъӣ ва рушди устувор;
• муҳокимаи ҷанбаҳои ҳуқуқии истифодаи зеҳни сунъӣ дар идоракунии хавфҳо дар низоми гумрукӣ, молиявӣ ва дигар соҳаҳои танзими давлатӣ.

Самтҳои баррасишаванда

• Таъминоти ҳуқуқии рушди устувор дар шароити иқтисоди рақамӣ.
• Танзими ҳуқуқии зеҳни сунъӣ: мушкилот ва дурнамо.
• Ҳифзи ҳуқуқи инсон дар шароити рақамигардонӣ ва истифодаи зеҳни сунъӣ.
• Амнияти иттилоотӣ ва ҳуқуқҳои рақамӣ ҳамчун унсури рушди устувор.
• Ҳуқуқи экологӣ ва технологияҳои рақамӣ: шаклҳои нави ҳамгироӣ.
• Иқтисоди рақамӣ ва рушди устувори соҳибкорӣ: ҷанбаҳои ҳуқуқӣ.
• Ҳамоҳангсозии қонунгузории миллӣ бо стандартҳои байналмилалӣ дар соҳаи зеҳни сунъӣ ва рушди устувор.
• Зеҳни сунъӣ ва идоракунии хавфҳо дар низомҳои гумрукӣ ва молиявӣ: ҷанбаҳои ҳуқуқӣ.

Иштирокчиён

Ба иштирок дар конфронс даъват карда мешаванд:

• намояндагони вазорату идораҳо;
• олимон, коршиносон ва муҳаққиқон;
• намояндагони ташкилотҳои байналмилалӣ;
• намояндагони сохторҳои соҳибкорӣ;
• омӯзгорон, магистрантон, докторантон ва донишҷӯёни муассисаҳои таҳсилоти олии касбӣ.

Нашри мавод

Маводи конфронс дар шакли маҷмӯаи мақолаҳои илмӣ нашр гардида, дар китобхонаи илмии электронӣ ҷойгир карда мешавад.

Масъалаҳои ташкилӣ

• Дархостҳо ва тезисҳои маърӯзаҳо то 5 апрели соли 2026 қабул карда мешаванд.
• Мавод ба суроғаи почтаи электронӣ ирсол гардад: m.umrillo@gmail.com
• Забонҳои кории конфронс: тоҷикӣ, русӣ ва англисӣ.
• Ҳамаи хароҷоти вобаста ба будубоши иштирокчиён (иқомат, нақлиёти маҳаллӣ ва корҳои ташкилӣ) аз ҷониби тарафи қабулкунанда пӯшонида мешавад, ба истиснои хароҷоти парвозҳои байналмилалӣ.

Маълумоти тамос

Суроға: Ҷумҳурии Тоҷикистон, 734055, ш. Душанбе, хиёбони Борбада, 48/5
Тел.: (+992) 100-400-879; (+992) 900-85-10-90

Шахсони масъул: Меликов У. А., Бодурова Г. Г.

Мубрамият

Дар шароити муосири ҷаҳонишавӣ ва рақамикунонии иқтисодиёт масъалаҳои рушди устувор, ҳифзи муҳити зист ва истифодаи самараноки захираҳо аҳамияти махсус касб менамоянд. Сайёҳӣ ҳамчун яке аз бахшҳои муҳими иқтисодиёти ҷаҳонӣ ва миллӣ ба татбиқи технологияҳои рақамӣ, ҷалби сармоягузорӣ ва истифодаи усулҳои идоракунии экологӣ ниёз дорад.

Баргузории конференсияи мазкур ба муҳокимаи масъалаҳои мубрами рушди устувори сайёҳӣ, татбиқи технологияҳои рақамӣ, таҳкими ҳамкории илмӣ ва табодули таҷриба байни муҳаққиқон ва коршиносон равона гардидааст.

Ҳадаф ва вазифаҳо

Баррасии ҷанбаҳои экологӣ-иқтисодии рушди устувори сайёҳии байналмилалӣ дар шароити рақамикунонӣ ва таҳияи тавсияҳои илмӣ-амалӣ барои рушди минбаъдаи соҳа.

• таҳлили сиёсати ҷаҳонӣ ва миллӣ дар соҳаи рушди устувор ва иқлим;
• омӯзиши равандҳои рушди сайёҳии устувор ва идоракунии таъсири экологӣ;
• баррасии масъалаҳои сармоягузорӣ ва рушди инфрасохтори сабзи сайёҳӣ;
• муҳокимаи нақши инноватсия ва технологияҳои рақамӣ дар рушди сайёҳӣ;
• таҳлили омилҳои баланд бардоштани рақобатпазирӣ ва брендинги минтақаҳо;
• таҳкими ҳамкории илмӣ байни муассисаҳои илмӣ, таҳсилоти олӣ ва ташкилотҳои байналмилалӣ.

Самтҳои мавзӯӣ

• Сиёсати ҷаҳонӣ ва миллӣ дар рушди устувор ва иқлим.
• Сайёҳии устувор: иқтисод, экология ва идоракунии таъсир.
• Сармоягузорӣ ва инфрасохтори сабзи сайёҳӣ.
• Инноватсия ва технологияҳои рақамӣ дар сайёҳии устувор.
• Брендинг, рақобатпазирӣ ва пешбурди минтақаҳо.

Иштирокчиён

Барои иштирок даъват карда мешаванд:

• намояндагони вазорату идораҳои дахлдор;
• намояндагони муассисаҳои илмӣ ва таҳсилоти олии касбӣ;
• намояндагони ташкилотҳои байналмилалӣ;
• олимон, коршиносон ва муҳаққиқони дохиливу хориҷӣ;
• намояндагони бахши хусусӣ ва ташкилотҳои ҷамъиятӣ.

Натиҷаҳои интизоршаванда

• табодули таҷрибаи илмӣ ва амалӣ дар соҳаи рушди устувори сайёҳӣ;
• таҳияи пешниҳодҳо барои такмили сиёсати рушди сайёҳӣ дар шароити рақамикунонӣ;
• густариши ҳамкории илмӣ ва байналмилалӣ;
• нашри маводи конференсия дар шакли маҷмӯаи мақолаҳо.

Маълумоти тамос

Суроға: Ҷумҳурии Тоҷикистон, ш. Хуҷанд, маҳаллаи 27, хонаи 1
Тел.: (+992) 92-700-72-76; (+992) 92-822-77-47

Шахси масъул: Шокирзода Шӯҳрат Усмон

Мубрамият

Мубрамияти баргузории конфронс бо афзоиши ҷойгоҳи соҳаи сайёҳӣ дар таъмини рушди устувори иҷтимоию иқтисодии давлатҳо дар шароити ҷаҳонишавӣ ва ҳамгироии рақамии иқтисодиёт асос меёбад. Сайёҳӣ ҳамчун яке аз омилҳои асосии диверсификатсияи иқтисоди миллӣ, таъсиси ҷойҳои нави корӣ, ҷалби сармоягузорӣ ва рушди минтақаҳо маҳсуб меёбад.

Таъмини рушди устувори соҳаи сайёҳӣ ташаккули сиёсати самараноки давлатӣ, ҷорӣ намудани технологияҳои инноватсионӣ ва рақамӣ, омода намудани мутахассисони баландихтисос, инчунин риояи тавозуни байни манфиатҳои иқтисодӣ, талаботи иҷтимоии ҷомеа ва зарурати ҳифзи муҳити зистро тақозо менамояд.

Ин мавзӯъ бо дарназардошти ҷойгоҳи сайёҳӣ ҳамчун яке аз самтҳои афзалиятноки сиёсати иқтисодии давлатӣ барои Ҷумҳурии Тоҷикистон аҳамияти хосса дорад. Омӯзиш ва татбиқи таҷрибаи пешқадами байналмилалӣ дар самти рушди устувори сайёҳӣ, рушди шарикии давлат ва бахши хусусӣ, такмили заминаи меъёрии ҳуқуқӣ, рақамикунонии соҳа ва баланд бардоштани ҷолибияти сармоягузории бахши сайёҳӣ аз шартҳои муҳими баланд бардоштани рақобатпазирии кишвар дар бозори байналмилалии сайёҳӣ ба ҳисоб меравад.

Ҳадаф ва вазифаҳо

Баррасӣ ва таҳияи равишҳои аз ҷиҳати илмӣ асоснок ва тавсияҳои амалӣ оид ба рушди сайёҳӣ ҳамчун муҳаррики асосии рушди устувори иҷтимоию иқтисодӣ дар асоси таҷрибаи миллӣ ва байналмилалӣ.

• таҳлили нақши сайёҳӣ дар таъмини рушди устувори иҷтимоию иқтисодӣ дар сатҳи миллӣ ва байналмилалӣ;
• омӯзиш ва ҷамъбасти таҷрибаи пешқадами миллӣ ва хориҷӣ дар рушди сайёҳии устувор;
• баррасии масъалаҳои такмили сиёсати давлатӣ, заминаи меъёрии ҳуқуқӣ ва механизмҳои шарикии давлат ва бахши хусусӣ дар соҳаи сайёҳӣ;
• муайян намудани имкониятҳои татбиқи технологияҳои инноватсионӣ ва рақамӣ барои баланд бардоштани самаранокӣ ва рақобатпазирии соҳаи сайёҳӣ;
• таҳияи тавсияҳои аз ҷиҳати илмӣ асоснок оид ба рушди иқтидори кадрӣ ва таъмини рушди устувори индустрияи сайёҳӣ.

Самтҳои мавзӯӣ

• Нақши сайёҳӣ дар татбиқи ҳадафҳои рушди устувор.
• Таҷрибаи миллӣ дар рушди устувори сайёҳӣ: дастовардҳо ва мушкилот.
• Таҷрибаи байналмилалӣ ва моделҳои муваффақи рушди устувори сайёҳӣ.
• Тавозуни манфиатҳои иқтисодӣ, иҷтимоӣ ва экологӣ дар фаъолияти сайёҳӣ.
• Сиёсати давлатӣ ва дастгирии меъёрии ҳуқуқии рушди устувори сайёҳӣ.
• Сармоягузории устувор ва шарикии давлат ва бахши хусусӣ дар соҳаи сайёҳӣ.
• Омодасозии кадрҳо ва рушди сармояи инсонӣ барои сайёҳии устувор.
• Самтҳои афзалиятноки рушди сайёҳӣ ҳамчун муҳаррики рушди устувор.
• Инноватсия ва технология ҳамчун воситаи дастгирии сайёҳии устувор: таҷриба ва тамоюлҳои ҷаҳонӣ.
• Чолишҳо ва имкониятҳои гузариш ба иқтисоди рақамӣ дар соҳаи сайёҳӣ.
• Сиёсати давлатии рушди сайёҳӣ дар шароити трансформатсияи рақамӣ.

Иштирокчиён

Барои иштирок дар кори конфронс даъват карда мешаванд:

• намояндагони вазоратҳо ва идораҳои Ҷумҳурии Тоҷикистон;
• намояндагони корпуси дипломатии мустақар дар Ҷумҳурии Тоҷикистон;
• коршиносон аз ташкилотҳои байналмилалӣ;
• намояндагони муассисаҳои илмӣ-таълимӣ, институтҳои тадқиқотӣ ва марказҳои таҳлилӣ;
• намояндагони сохторҳои соҳибкорӣ, ташкилотҳои экологӣ ва ҷамъиятӣ.

Маълумоти тамос

Шахси масъул: Қодирзода Фазлиддин Садриддин
Тел.: (+992) 988-31-40-04

Дар бораи чорабинӣ

Чорабиниҳои варзишӣ дар доираи Форуми байналмилалӣ баргузор гардида, ду самтро дар бар мегирад: пиёдагардии скандинавӣ ва велосайёҳӣ. Чорабиниҳо ба тарғиби тарзи ҳаёти солим, рушди сайёҳии фаъол ва экологӣ, инчунин таҳкими ҳамкории байналмилалӣ дар соҳаи варзиш ва сайёҳӣ равона шудааст.

Ҳадафҳо

• тарғиби тарзи ҳаёти солим ва сайёҳии фаъол;
• рушди сайёҳии экологӣ ва варзишӣ дар Ҷумҳурии Тоҷикистон;
• таҳкими ҳамкории байналмилалӣ дар соҳаи варзиш ва сайёҳӣ;
• маъруфсозии иқтидори табиии Тоҷикистон дар байни иштирокчиёни форум.

Пиёдагардии скандинавӣ

Пиёдагардии гурӯҳии ташкилшуда бо истифодаи таёқчаҳои махсус дар масирҳои Боғи Ғалаба. Чорабинӣ барои ҳамаи иштирокчиёни форум ва меҳмонон кушода аст.

Велосайёҳӣ

Масири гурӯҳии велосипедронӣ аз ҷойҳои зебои шаҳри Душанбе ва атрофи он. Иштирокчиён аз зебоиҳои табиии Тоҷикистон баҳра бурда, бо иқтидори сайёҳии минтақа шинос мешаванд.

Иштирокчиён

Ҳамаи иштирокчиён ва меҳмонони Форуми байналмилалӣ, намояндагони ташкилотҳои варзишӣ, донишҷӯён ва омӯзгорон ба иштирок даъват карда мешаванд.

Аҳамият

Либоси миллӣ қисми муҳими мероси фарҳангии ғайримоддӣ мебошад, ки хотираи таърихӣ, ҳувияти фарҳангӣ ва арзишҳои анъанавии халқро инъикос мекунад. Дар шароити рушди ҳамкориҳои байналмилалӣ ва шарикӣ, муаррифии фарҳанги миллӣ ҳамчун воситаи муколамаи байнифарҳангӣ, таҳкими эътимод ва эҳтироми мутақобилаи байни халқҳо аҳамияти махсус пайдо мекунад.

Баргузории Фестивали либоси миллӣ дар доираи чорабинии «Шоми дӯстӣ» ба намоиши мероси бойи фарҳангии Ҷумҳурии Тоҷикистон, тарғиби анъанаҳои миллӣ ва ташаккули имиҷи мусбати байналмилалии кишвар равона шудааст.

Мақсад ва вазифаҳо

Муаррифии либоси миллӣ ҳамчун унсури муҳими мероси фарҳангӣ ва воситаи таҳкими муколамаи байнифарҳангӣ дар доираи Форуми байналмилалӣ.

• намоиши либосҳои анъанавии миллӣ ва хусусиятҳои бадеии онҳо;
• муаррифии гуногунии фарҳангии минтақаҳои Ҷумҳурии Тоҷикистон;
• ҷалби ҷавонон ва донишҷӯён ба ҳифз ва рушди мероси фарҳангии миллӣ;
• таҳкими робитаҳои гуманитарӣ ва фарҳангӣ байни иштирокчиёни Форум;
• мусоидат ба рушди дипломатияи фарҳангӣ.

Мундариҷаи фестивал

• намоиши либосҳои анъанавии миллӣ ва унсурҳои санъати ороишӣ ва амалии халқӣ;
• иштироки донишҷӯёни коллеҷҳо ва литсейҳои тобеи Донишгоҳ;
• муаррифии рамзҳо, ороишҳо ва хусусиятҳои минтақавии либоси миллӣ;
• ҳамгироии барномаи фестивал ба фазои умумии фарҳангии чорабинии «Шоми дӯстӣ».

Натиҷаҳои интизорӣ

• баланд бардоштани таваҷҷуҳ ба фарҳанг ва анъанаҳои миллии Ҷумҳурии Тоҷикистон;
• тақвияти муколамаи байнифарҳангӣ ва ҳамдигарфаҳмӣ байни иштирокчиён;
• фаъолгардонии иштироки ҷавонон дар ҳифзи мероси фарҳангӣ;
• тақвияти ҷузъи башардӯстона ва фарҳангии Форуми байналмилалӣ.

Мубрамият

Дар шароити амиқ шудани ҳамкории байналмилалӣ ва муколамаи байнифарҳангӣ, ҷанбаҳои фарҳангии рушди устувор аҳамияти махсус пайдо мекунад. Фарҳанг, анъана ва мероси миллӣ воситаи муҳими таҳкими эътимод байни халқҳо, ташаккули фазои ҳамдигарфаҳмӣ ва эҳтиром, ҳамчунин пешбурди симои мусбати байналмилалии кишвар мебошанд.

Баргузории чорабинии фарҳангии «Шоми дӯстӣ» барои таъкид намудани сарвати мероси фарҳангии Ҷумҳурии Тоҷикистон, нишон додани арзишҳои таҳаммулпазирӣ ва гуногунрангӣ, инчунин фароҳам овардани платформаи ғайрирасмии муошират барои иштирокчиёни Форуми байналмилалӣ пешбинӣ шудааст.

Мақсад ва вазифаҳо

Фароҳам овардани фазои фарҳангӣ ва иртиботӣ барои таҳкими муколамаи байнифарҳангӣ, рушди ҳамкории башардӯстона ва ташаккули фазои дӯстӣ ва шарикӣ байни иштирокчиёни Форуми байналмилалӣ.

• муаррифии мероси миллии фарҳангӣ ва анъанаҳои Ҷумҳурии Тоҷикистон;
• таҳкими муколамаи ғайрирасмӣ байни намояндагони ҷомеаи академӣ, корпуси дипломатӣ ва ташкилоти байналмилалӣ;
• мусоидат ба рушди дипломатияи фарҳангӣ ва гуманитарӣ;
• ташаккули муҳити мусоид барои ҳамкории байналмилалӣ дар доираи Форум.

Мазмуни чорабинӣ

• барномаи консертӣ бо иштироки коллективҳои эҷодӣ;
• намоишҳо бо унсурҳои мусиқии миллӣ, рақс ва фолклор;
• муоширати ғайрирасмии иштирокчиёни Форум дар шароити фарҳангӣ.

Иштирокчиён

• иштирокчиёни Форуми байналмилалӣ;
• намояндагони намояндагиҳои дипломатӣ ва ташкилоти байналмилалӣ;
• намояндагони мақомоти ҳокимияти давлатӣ;
• роҳбарият ва кормандони Донишгоҳ;
• донишҷӯён, ҷавонон ва коллективҳои эҷодӣ.

Ҳамоҳангсозии ташкилӣ

Дастгирии ташкилию ҳамоҳангсозии чорабиниҳоро Донишгоҳи байналмилалии сайёҳӣ ва соҳибкории Тоҷикистон амалӣ менамояд.

Аҳамият

Иди Наврӯз, ки ба Рӯйхати мероси фарҳангии ғайримоддии ҷаҳонии ЮНЕСКО дохил шудааст, рамзи навсозӣ, эҷодкорӣ, пайдарпаии анъанаҳо ва талош ба оянда мебошад. Ин арзишҳо ба афзалиятҳои стратегии Донишгоҳи байналмилалии сайёҳӣ ва соҳибкории Тоҷикистон, ки ба рушди устувор, инноватсия ва ҳамкории байналмилалӣ нигаронида шудааст, мувофиқат мекунанд.

Баргузории чорабинии «Наврӯз ва дастовардҳои Донишгоҳ» ба муттаҳид кардани мероси фарҳангӣ ва дастовардҳои муосири академӣ, нишон додани саҳми донишгоҳ дар рушди сармояи инсонӣ, иқтисоди сабз ва рӯзномаи байналмилалии таълимӣ равона шудааст.

Мақсад ва вазифаҳо

Муаррифии Наврӯз ҳамчун рамзи навсозӣ ва рушди устувор дар якҷоягӣ бо намоиши дастовардҳои ДБССТ дар фаъолияти таълимӣ, илмӣ ва байналмилалӣ.

• ошкор кардани аҳамияти фарҳангӣ-тамаддунии Наврӯз;
• муаррифии дастовардҳои асосии Донишгоҳ дар соҳаи маориф, илм ва инноватсия;
• таҳкими ҷанбаҳои гуманитарӣ ва фарҳангии Форуми байналмилалӣ;
• ташаккули симои мусбати байналмилалии ДБССТ ва Ҷумҳурии Тоҷикистон;
• рушди муколамаи байнифарҳангӣ ва академӣ.

Мундариҷаи чорабинӣ

• барномаи фарҳангӣ бахшида ба анъанаҳои Ҷашни Наврӯз;
• муаррифии дастовардҳои донишгоҳ (рушди устувор, ташаббусҳои сабз, рақамисозӣ, зеҳни сунъӣ, шарикии байналмилалӣ, рейтингҳо);
• намоиши ташаббусҳои донишҷӯён ва илмии донишгоҳ;
• муоширати ғайрирасмии иштирокчиёни Форум дар муҳити фарҳангӣ.

Натиҷаҳои интизорӣ

• афзоиши таваҷҷуҳи шарикони байналмилалӣ ба фаъолияти донишгоҳ;
• таҳкими ҷузъи фарҳангӣ ва гуманитарии Форум;
• пешбурди арзишҳои рушди устувор тавассути мероси фарҳангӣ;
• баланд бардоштани симои донишгоҳ ҳамчун донишгоҳи муосир, инноватсионӣ ва кушода.

Мубрамият

Дар шароити ҷаҳонишавӣ, рушди босуръати технологияҳои рақамӣ ва ташаккули иқтисодиёт масъалаи рақамикунонӣ ва татбиқи зеҳни сунъӣ ба яке аз самтҳои афзалиятноки сиёсати иқтисодии кишварҳо табдил ёфтааст. Барои Ҷумҳурии Тоҷикистон, ки саноатикунонии босуръат ҳамчун ҳадафи стратегии миллӣ муайян гардидааст, гузариш ба модели рушди рақамӣ ва истифодаи зеҳни сунъӣ аҳаммияти махсус касб менамояд.

Рақамикунонӣ ва истифодаи зеҳни сунъӣ ба таъмини амнияти иқтисодӣ, баланд бардоштани шаффофият ва коҳиши вобастагӣ аз омилҳои беруна мусоидат мекунанд. Рушди иқтисоди рақамӣ заминаи таъсиси ҷойҳои нави корӣ дар соҳаи технологияҳои иттилоотӣ, инноватсия ва хизматрасониҳои интеллектуалиро фароҳам меорад.

Модели нави рушди устувор на танҳо ба афзоиши нишондиҳандаҳои иқтисодӣ, балки ба таъмини рушди «иқтисоди сабз» ва истифодаи самараноки захираҳо такя мекунад. Густариши инфрасохтори рақамӣ, рушди ҳукуматдории электронӣ ва ҷорӣ намудани зеҳни сунъӣ дар бахшҳои гуногуни иқтисодиёт ба таҳкими рақобатпазирии миллӣ дар сатҳи минтақавӣ ва байналмилалӣ мусоидат менамояд.

Ҳадаф ва вазифаҳо

Омӯзиши ҳамаҷониба ва таҳлили назариявию амалии равандҳои рақамикунонӣ ва татбиқи зеҳни сунъӣ ҳамчун модели нави рушди устувори иқтисодиёт, инчунин муайян намудани омилҳо, захираҳо ва механизмҳои самараноки истифодаи технологияҳои рақамӣ ва системаҳои интеллектуалӣ ҷиҳати таъмини рушди дарозмуддати иқтисоди миллӣ.

• баррасӣ ва таҳлили асосҳои назариявию методологии рақамикунонӣ, иқтисоди рақамӣ ва истифодаи зеҳни сунъӣ дар низоми рушди устувор;
• омӯзиши таҷрибаи байналмилалӣ оид ба татбиқи технологияҳои рақамӣ ва зеҳни сунъӣ дар идоракунии давлатӣ ва бахшҳои иқтисодӣ;
• таҳлили вазъи кунунии инфрасохтори рақамӣ ва сатҳи рақамикунонии соҳаҳои иқтисод дар Ҷумҳурии Тоҷикистон;
• арзёбии сиёсати давлатӣ дар самти рушди иқтисоди рақамӣ, ҳукуматдории электронӣ ва инноватсия;
• муайян намудани омилҳои таъсиррасон (иқтисодӣ, иҷтимоӣ, технологӣ, ҳуқуқӣ ва экологӣ) ба раванди рақамикунонӣ ва ҷорӣ намудани зеҳни сунъӣ;
• ошкор намудани мушкилот ва маҳдудиятҳое, ки ба рушди босуръати иқтисоди рақамӣ монеа эҷод менамоянд;
• пешниҳоди роҳҳо ва механизмҳои такмили сиёсати давлатӣ ҷиҳати ташаккули экосистемаи рақамӣ, дастгирии стартапҳо ва рушди сармояи инсонӣ;
• коркарди тавсияҳои амалӣ оид ба ҷорӣ намудани системаҳои зеҳни сунъӣ, таҳлили додаҳои калон (Big Data), автоматикунонии равандҳо ва истифодаи технологияҳои «иқтисоди сабз».

Самтҳои конференсия

• Мафҳум ва моҳияти иқтисоди рақамӣ ва зеҳни сунъӣ дар низоми рушди устувори иқтисодиёт.
• Консепсияи рақамикунонии иқтисоди миллӣ ва ташаккули ҷомеаи иттилоотӣ.
• Меъёрҳо ва нишондиҳандаҳои арзёбии сатҳи рақамикунонӣ ва самаранокии истифодаи зеҳни сунъӣ.
• Вазъи кунунии инфрасохтори рақамӣ ва сатҳи татбиқи технологияҳои иттилоотию коммуникатсионӣ дар Ҷумҳурии Тоҷикистон.
• Саҳми технологияҳои рақамӣ ва системаҳои интеллектуалӣ дар рушди иқтисоди миллӣ.
• Динамикаи рушди хизматрасониҳои рақамӣ, тиҷорати электронӣ, бозори меҳнати рақамӣ ва таъсири онҳо ба шуғли аҳолӣ.
• Таъсири сиёсати давлатӣ дар самти рақамикунонӣ ва татбиқи зеҳни сунъӣ.
• Масъалаҳои амнияти киберӣ, ҳифзи додаҳо ва танзими ҳуқуқии истифодаи зеҳни сунъӣ.

Иштирокчиён

Барои иштирок даъват карда мешаванд:

• намояндагони вазорату идораҳои дахлдор;
• намояндагони муассисаҳои илмӣ ва таҳсилоти олии касбӣ;
• намояндагони ташкилотҳои байналмилалӣ;
• олимон, коршиносон ва муҳаққиқони дохиливу хориҷӣ;
• намояндагони бахши хусусӣ ва ташкилотҳои ҷамъиятӣ.

Натиҷаҳои интизоршаванда

• муайян ва ҷамъбасти заминаҳои илмии рақамикунонӣ ва татбиқи зеҳни сунъӣ ҳамчун пояи модели нави рушди устувор;
• таҳлили ҳамаҷонибаи нишондиҳандаҳои асосии рушди иқтисоди рақамӣ ва муайян намудани тамоюлот ва мушкилот;
• таҳияи хулосаҳои илмӣ ва тавсияҳои амалӣ барои такмили сиёсати давлатӣ;
• тақвияти ҳамкории илмӣ ва байналмилалӣ дар соҳаи технологияҳои рақамӣ ва зеҳни сунъӣ;
• таҳкими замина барои ташаккули экосистемаи инноватсионӣ ва рушди сармояи инсонӣ;
• нашри маводи конференсия дар шакли маҷмӯаи мақолаҳои илмӣ ва тавсияҳо.

Маълумоти тамос

Суроға: Ҷумҳурии Тоҷикистон, ш. Душанбе, кӯчаи Мирзо Турсунзода 27
Тел.: (+992) 22-330-61

Шахси масъул: Одиназода Сафарали Одина

Ҳадафи стратегӣ

Ташаккули насли нави роҳбарони ҷавони рушди устувор, ки дорои салоҳиятҳои амалӣ дар соҳаи иқтисоди сабз, қарорҳои рақамӣ ва роҳбарияти масъули иҷтимоӣ мебошанд, ки қодиранд ташаббусҳои экологӣ ва иҷтимоиро дар сатҳи маҳаллӣ ва миллӣ таҳия, татбиқ ва паҳн кунанд.

Асоси методологӣ

Барнома бар асоси омӯзиши ба таҷрибаи амалӣ нигаронидашуда (experiential learning), омӯзиши лоиҳавӣ, кори дастаҷамъӣ ва роҳнамоии менторӣ таҳия шудааст. Иштирокчиён ба ҳалли масъалаҳои амалӣ ҷалб гардида, дар гурӯҳҳои байнисоҳавӣ идеяҳои лоиҳавиро таҳия ва амалӣ менамоянд, ҳамзамон аз ҷониби коршиносон ва менторон дастгирии доимӣ ва бозхурд мегиранд.

Вазифаҳои барнома

• таъмини фаҳмиши амиқи рӯзномаи байналмилалӣ ва миллии рушди устувор, аз ҷумла Ҳадафҳои рушди устувори СММ (SDGs), сиёсати иқлим, иқтисоди сабз ва мутобиқшавӣ ба тағйирёбии иқлим;
• инкишофи салоҳиятҳои роҳбарӣ ва идоракунӣ: фикрронии стратегӣ, иртибот, динамикаи дастаҷамъӣ, мусоидат ва қабули қарорҳо;
• ташаккул додани малакаҳои амалии давраи лоиҳа — аз муайян кардани мушкилот ва таҳлили ҷонибҳои манфиатдор то таҳия, муаррифӣ ва татбиқи озмоишии ташаббусҳои ҷавонон;
• баланд бардоштани салоҳиятҳои рақамии ҷавонон барои истифодаи маълумот, намоиш, алоқаи онлайн ва воситаҳои рақамӣ;
• ташкили ҷомеаи устувори ҷавонон ва захираи кадрҳо барои татбиқи барномаҳои экологӣ ва иҷтимоӣ;
• мусоидат ба ташаккули фарҳанги экологӣ тавассути ташкил намудани эко-аксияҳо, рушди имкониятҳои ҷудокунии партовҳо ва баргузории намоишгоҳи экологӣ.

Модули Green

Тамаркуз ба ташаккули тафаккури экологӣ ва салоҳиятҳои касбии «сабз». Иштирокчиён асосҳои иқтисоди сабз, хатарҳои иқлим, масъалаҳои гуногунии биологӣ, идоракунии партовҳо, захираҳои об ва энергетикаро меомӯзанд ва бо касбҳои ояндадори экологӣ шинос мешаванд. Қисми амалӣ таҳлили мушкилоти маҳаллии экологӣ ва таҳияи ҳалли амалиро дар бар мегирад.

Модули Digital

Ҳадафи он азхудкунии воситаҳои муосири рақамӣ барои таҳлил, назорат ва пешбурди ташаббусҳои рушди устувор мебошад. Иштирокчиён бо платформаҳои рақамӣ, визуализатсияи маълумот, унсурҳои нақли рақамӣ ва воситаҳои онлайнии кори дастаҷамъӣ кор мекунанд, ки ба баланд бардоштани самаранокӣ ва миқёспазирии лоиҳаҳои ҷавонон имкон медиҳанд.

Модули Smart

Ба рушди роҳбарӣ ва «малакаҳои нарм» нигаронида шудааст: ҳамкории дастаҷамъӣ, суханрониҳои оммавӣ, далелноккунӣ, идоракунии лоиҳаҳо ва кор бо ҷомеа. Ба малакаҳои муаррифии лоиҳаҳо, ҳамкорӣ бо мақомот, донорҳо ва шарикони маҳаллӣ диққати махсус дода мешавад.

Натиҷаҳо ва таъсироти пешбинишуда

• тайёр кардани 30 роҳбарони баландихтисоси ҷавон, ки дар соҳаи рушди устувор малакаҳои амалӣ доранд;
• таҳия ва муаррифии 5 лоиҳаҳои экологии ҷавонон ва қарорҳои озмоишии ба эҳтиёҷоти маҳаллӣ нигаронидашуда;
• ташаккули шабакаи устувори ҷавонон ва ҳавзаи ихтиёриён, ки қобилияти ҳамкорӣ ва татбиқи минбаъдаи ташаббусҳои муштаракро доранд;
• баланд бардоштани сатҳи ҷалби ҷавонон ба фаъолияти лоиҳавӣ, ҷамъиятӣ ва ихтиёрӣ;
• таъсиси замина барои васеъ кардани ташаббусҳои беҳтарин дар ҳамкорӣ бо мақомоти давлатӣ, донишгоҳҳо ва созмонҳои байналмилалӣ.

Устувории дарозмуддат

Натиҷаҳои Youth Eco-Camp ба барномаҳои минбаъдаи ҷавонони Форум, ташаббусҳои донишгоҳ ва минтақа ворид карда мешаванд. Шабакаи ташаккулёфтаи хатмкунандагони лагер платформаи мубодилаи таҷриба, оғози лоиҳаҳои муштарак ва иштирок дар барномаҳои рушди устувори миллӣ ва байналмилалӣ хоҳад буд.